【回復單身好逍遙】富婆Laura來港自由行 晒祖母綠鑽戒撐張可頤

更新時間 (HKT): 2019.09.05 17:09

回復單身的富婆Laura生活逍遙快活,原來近日她又來了香港自由行,昨晚到北角新光戲院大劇場睇舞台劇《但願人長久》,完騷後更入後台探班,跟女主角張可頤合照,Laura將兩人的合照貼上IG,相中見到她左手戴着一隻浮誇鑽戒,閃到爆。

上次Laura來港,被傳媒影到跟向海嵐high tea,演而優從商的向海嵐,去年投資千萬開珠寶店,身為閨密的富婆Laura,當然是她的大客仔。今日Laura接受《蘋果》電話訪問表示,昨晚跟朋友去了睇舞台劇,主要是撐可頤場,可頤還在場刊上簽名給她留念。

至於手上的祖母綠鑽戒閃爆,問是否幫襯閨密向海嵐?Laura笑說:「咦,你又知嘅,佢啲嘢好靚㗎,咁點都有啲收穫啦,今次就買咗隻戒指。」不過她就婉拒透露價錢,Laura指今次來港公私兩忙,主要搵朋友食飯和傾事情。問到回復單身的她感情生活如何?是否有很多追求者?Laura抵死地笑:「哈哈,呢啲,我哋不嬲好低調嘅。」

當日Laura發現前度汪子琦出軌離婚,被對方苛索2.4億港元贍養費,Laura堅拒付一毫子,結果汪子琦人財兩失;而當初不停求復合的汪子琦,在離婚僅1年多後似飲了忘情水,轉眼已戀上美國女子Joey Ann Gambelunghi,上月更在微博晒合照,高調地公告戀情。

娛聞樂陪你走遍全球追星,即Like「娛果」FB 專頁!
BannerBanner