【搞上市集資】傅奇追討前女婿葉劍波500萬 傅明憲:想要返啲錢養老

更新時間 (HKT): 2019.09.07 14:06

傅明憲今日到荃灣出席活動,談到爸爸傅國梁(藝名傅奇)早前入稟追討傅明憲前夫葉劍波500萬,她解釋事情因由:「件事係2014年年尾,葉劍波搵我爸爸,支持佢搞上市集資,爸爸好錫佢,都想佢東山再起。2015年1月,爸爸就畀咗500萬支持佢,以合約內容寫明18個月後會歸還1000萬,但係18個月之後冇上市。爸爸追問佢情況,葉劍波話仲努力緊,差少少,爸爸因為錫佢同支持佢,所以繼續等。」

傅明憲表示爸爸由2016年年中等到2018年亦未有消息,期間以短訊追問對方情況:「對方一係就遲覆,一係就話仲努力緊,詳情唔講,叫佢等下。爸爸今年都90歲,想要返啲錢養老,佢好擔心又有口難言,我都好心痛,無辦法之下就搵律師幫忙。」

傅明憲坦言入稟前曾聯絡葉劍波:「我有通知佢、有追過佢,爸爸都有親自寫信畀佢,想佢交代下,但都冇回覆。」傅明憲指如果要爸爸從加拿大返港出庭,對於老人家實在太辛苦,她希望事情可以盡快解決。

傅明憲表示早前到哥斯達黎加潛水,整個星期住在船上:「搭去個島都要36個鐘先到,不過我喺嗰度一個星期潛水睇鯊魚。」她表示已經看過很多次鯊魚,但這次與虎鯊的距離最近:「兩年前嗰度曾經發生鯊魚咬死人嘅事件,但係我唔會好緊張,因為我對潛水教練有信心。」

案件編號:HCA 1601/2019

娛聞樂陪你走遍全球追星,即Like「娛果」FB 專頁!
BannerBanner