【轉定台等開播】歐錦棠身兼武指監製主演 搵埋文頌嫻出山拍港劇

更新時間 (HKT): 2019.09.09 17:02

歐錦棠、文頌嫻、談善言與MIRROR成員Anson Kong等,今天於香港仔出席ViuTV新劇《打天下》開鏡拜神儀式,棠哥為新劇擔任監製、動作指導兼主演,碌爆友情卡,誠邀已有10年未有拍港劇集的文女合作,文女說:「我哋自從《烈火雄心》合作,相隔有17年,佢打畀我,首先互相問候,之後就問我有冇興趣拍,我好榮幸佢諗起我,個女係我老闆,佢OK就得啦!我開工時佢冇王管,發現原來佢係最想我復出嗰個。老公都OK,總之搞得掂屋企就得。」

談到戲中扮演歐錦棠的師妹,文頌嫻表示獲安排有少許功夫場口,就算要空手道演出也不介意,至於問到酬勞是否合理?她笑說:「我哋只講心,棠哥唔會待薄我。」身旁的棠哥指文女一點也沒走樣,一切也可遷就,尤其是以文女照顧家庭的安排為重,全劇幾乎沒有夜班。他又表示親自教導談善言空手道3個月,雖然由零開始,但對方已能做到很多高難度動作,認為她已能出賽。

問到被棠哥點名稱讚,談善言笑說:「本身我天生筋骨比較軟,因為空手道有兩種,其中一種係肉搏,係有難度,棠哥唔想我用替身,今次算係我第一次拍打戲。」問到跟真正的空手道選手對戲,會怕受傷嗎?她說:「其實咁樣有兩樣好,打慣咗會耐打,同埋現場可以問吓點樣打法,打親我唔緊要,最怕打親人,要過呢個心理關口。其實拍嘅時候自己都瘀晒,第二日同師傅對打嘅時候,已經整親大髀後面。」而Anson Kong跟談善言有不少對手戲,二人更有感情線,一講起親熱戲,Anson即時面紅耳赤,他尷尬笑道:「我好怕醜,因為《造星》之後一直都係同一班男仔做嘢,見得最多嘅女性就係花姐,所以我好緊張,真係會怕醜,我寧願俾佢摑都好過有錫嘅戲。」

娛聞樂陪你走遍全球追星,即Like「娛果」FB 專頁!
BannerBanner