【一手創造林亞珍】著名製作人陳家蓀病逝 泰迪羅賓:佢係娛樂界嘅功臣

更新時間 (HKT): 2019.09.10 17:05

60年代夾Band出身的資深音樂人及電視、電影製作人陳家蓀,移居加拿大多倫多年,不幸於當地時間9月8日因病逝,享年73歲。陳家蓀是前港姐孫泳恩第一任丈夫和苗可秀兄長,曾是《歡樂今宵》編導,也是《點只咁簡單》等無綫受歡迎節目監製,在《點只咁簡單》中成功為蕭芳芳構思出傻大姐林亞珍形象。

陳家蓀早在60年代加入泰迪羅賓的「Teddy Robin and The Playboys」夾band,泰迪羅賓今日接受《蘋果》電話訪問,對於痛失數十年戰友深感難過。他說:「我哋隊band分兩個階段,佢68年加入,我哋好老友,我舊年去多倫多同佢有聯絡,我哋仲講笑話復出㖭。」

說到陳家蓀當年由band友加入無綫做幕後,Teddy說:「同我完全一樣囉,佢遲我3個月之嘛,我哋68年喺TVB做青年節目《Star Show》,69年我哋喺邵先生(邵逸夫)手上邊攞過2尺高嘅金獎,我哋係收視第二節目,第一就係《歡樂今宵》。Ricky(陳家蓀)未加入Playboys時我哋已經好老友,雖然嚟到我哋呢個年紀唔係好驚奇(指離世),但我好估唔到,因為佢係完全冇迹象,我覺得唔係好舒服,佢去得好突然。」

Teddy指陳家蓀熱愛音樂:「佢一路有叫我過去做騷,好似陳奕迅個騷都係佢搞(指加拿大演唱會),佢係一個娛樂界嘅功臣,阿Lam第一部戲《摩登土佬》係佢拍,70、80年代佢係香港嘅名導演,我哋60年代簽TVB做《Star Show》,佢入咗去之後做得好過我,70年代係佢嘅電視年代,做得相當好。」Teddy指陳家蓀以前夾band時玩keyboard,Teddy說:「佢喺我哋之前已經有夾band,我哋欣賞佢,佢嗰手鋼琴彈得好好,因為我哋冇鋼琴,我哋Playboys原本5個人,5個全部係打鼓、結他同bass,所以咪邀請佢入嚟囉,由5個人變6個人囉。」

娛聞樂陪你走遍全球追星,即Like「娛果」FB 專頁!
BannerBanner