【意見分歧】家燕姐被投訴放工作第一 男友被擺第二位

更新時間 (HKT): 2019.09.16 18:15

薛家燕及范振鋒今日去到旺角出席美容中心開幕。薛家燕最近收到fans傳給她一張於2008年拍攝的照片,家燕姐笑言:「相比之下,感覺現在更年青,我冇整容,女性要談戀愛製造浪漫,可以提升荷爾蒙。」家燕姐早前透露,自己與男友意見分歧,對於是否分手,家燕姐忍淚說:「唔知點講,佢問乜嘢係最重要,點解將佢擺喺第二位,我應該要反省下,我從小就將工作擺第一位。」家燕指自己熱愛工作,就算休息期間也會到美國接幾項工作。對於反省後會否爭取更多時間陪男友,家燕姐表示,10月開始有更多工作安排,對於男友會否跟她出埠,她說:「唔得,佢有自己工作,佢唔鍾意幫我攞化妝箱。」

范振鋒表示,年紀大開始講究護膚,他說:「初入行時太攰會懶落妝,近年發現對食用生蝦、生蟹同味精湯敏感。」范振鋒指自己體質年齡只有30歲,希望生B做爸爸,他說:「以前想同太太二人世界,而家想生BB可以陪下太太,我始終大佢10年,李居明話我明年有,仔、女都冇所謂,最好生兩個。」

採訪:張明、攝影:仇志德

娛聞樂陪你走遍全球追星,即Like「娛果」FB 專頁!
BannerBanner