【三思慎入】193@ERROR拍節目數千小強兜頭淋 IG講感想寸爆「曱甴論」

更新時間 (HKT): 2019.09.18 13:53

由ViuTV節目《全民造星》出道的「騎呢」組合ERROR,人氣及討論度一直與正牌偶像軍MIRROR不相伯仲,當中由ERROR與監製花姐一同拍攝的旅遊節目《花姐ERROR遊》更一直因夠「抵死搞笑」而受網民歡迎。

雖然以搞怪作招牌,但昨晚播出的一集《花姐ERROR遊2》可謂挑戰了觀眾、娛樂圈及電視界的尺度,話說節目有一個自願加鏡頭環節,每次都會提出一些挑戰,讓ERROR成員可以「威」下。

由於事先ERROR成員並不清楚挑戰題目,所以每次舉手前都要深思熟慮,一不小心好易被「玩殘」,而ERROR成員193(郭嘉駿)為了一洗早前被隊員及花姐嘲諷的「乜都驚」及「乸型」形像,奮勇舉手自薦。

結果,當然「舐晒嘢」啦!事關今集要去蟑螂養植場,節目組將一張膠櫈放在圍板中間,193需要坐在其中「沐浴」,數千隻「小強」迎頭倒落193身上,好快193整個人都被小強包圍,場面極度震撼。

193事後將感想寫在IG,「同呢幾千隻曱甴相處完之後敏感咗幾日,又分泌液又被咬咁,尤其是臉同頸被曱甴腳勾到損晒,每日起身都要啪敏感藥再化妝拍攝。記得當刻覺得好痛好驚好恐怖時間過得好慢咁,但成功挑戰之後心靈上好似有一種形容唔到嘅滿足。」他又感謝劇組給予機會挑戰這個世上99%不會或不想接受的挑戰。

娛聞樂陪你走遍全球追星,即Like「娛果」FB 專頁!
BannerBanner