【跑歷20年】譚耀文為修心養成興趣 自爆逼兒子陪跑失敗

更新時間 (HKT): 2019.09.18 18:06

譚耀文、吳海昕、胡子彤和陳逸寧等演員今日齊集黃埔出席電影《二次人生》的開鏡活動,在戲中飾演體育老師的譚耀文表示戲外自己都熱愛跑步:「其實係冇唱歌先開始跑,都已經20年,當時拍緊《縱橫四海》,主要係想修心所以培養咗興趣,有時返大陸拍戲都會去酒店樓下跑。」

譚耀文又稱以前曾試強逼兒子一起跑,最後不太成功,他笑說:「而家唔係打機就練樂器,阿仔都就快大提琴考試,所以最近都幾緊張,加上近來交通唔太好,所以我唔使開工就做司機車佢上堂。」

至於吳海昕戲中飾演一名專門做劏房生意地產經紀,並跟胡子彤有感情線,她直言以前想搬出來住時有看過劏房,但面積實在太細所以寧願跟家人同住:「雖然而家劏房都有裝修,但100呎月租都要6、7,000,寧願努力工作遲啲買樓。」吳海昕又稱目標單位有300呎就足夠,希望35歲前圓夢。

娛聞樂陪你走遍全球追星,即Like「娛果」FB 專頁!
BannerBanner