【準新娘打骰】駱振偉閃令令戒指求婚成功 下月娶丹麥女友

更新時間 (HKT): 2019.09.20 10:18

ViuTV藝人駱振偉(Thor)與丹麥女友Katrine拍拖5年,今日終於傳出喜訊,Thor在社交平台宣佈求婚成功,將於下月在丹麥與Katrine結婚!

Thor貼了一張拖着未婚妻手的相片,他寫道:「8月份的一個晚上,我穿上初次跟她見面的恤衫,跟她說:「If you let me, I will spend the rest of my life trying to put a smile on your face everyday. If you let me, I want to have a family with you filled with love and joy, coz you are the only one I want to do that with. Will you marry me? 她跟我說"yes, I do" 故事就是這樣的發展下,我們訂婚了!」

他還寫了一大段hashtag,分享自己求婚成功的感受:「#我係有寫稿㗎 #而一段係節錄 #本身仲有一大段 #太肉麻啦 #人生最緊張嘅一次讀白 #佢話我知佢其實唔知我講緊咩 #你一定會覺得係我英文太差啦 #錯啦 #佢話佢太開心太興奮 #所以其實求婚嗰陣講咩係無所謂㗎 #最緊要最後打開個盒有隻戒指 #鑽石與黃金 #唔及我一片真誠與真心 #下個月我哋會係丹麥結婚了 #感恩 #多謝你們的祝福了 #佢影㗎張相 #我打燈㗎咋」。

其後Thor接受《蘋果》訪問,談到求婚經過,他笑說:「其實我哋喺1年前開始都有傾過結婚呢個問題,當然求婚係啱啱嘅事,我哋會喺丹麥搞wedding party,主要都係請屋企人同埋一啲好close嘅朋友,所以人數唔會太多。」問到婚後會否到丹麥定居?Thor說:「我女朋友都喺香港工作咗一段時間,所以我哋基本上唔會有好大分別,仍然會喺香港生活同工作。」

後來又問到香港與丹麥結婚有甚麼分別?Thor說:「除咗係多咗啲文件去申請之外,形式唔會有好大分別,都係由女人做主導,我女友已經返咗去丹麥籌備婚禮,我哋之前仲去咗學跳舞,因為喺party度,一對新人要跳first dance,為咗嗰晚唔跳到甩甩漏漏,搵咗啲朋友幫手,雖然成個過程真係好多嘢搞,好忙好忙,不過都希望盡力做好!」

娛聞樂陪你走遍全球追星,即Like「娛果」FB 專頁!
BannerBanner