【唔心急拍拖】林穎彤曾暗戀中學籃球隊「余文樂」 怕醜唔敢表白

更新時間 (HKT): 2019.09.20 14:23
採訪、攝影:羅慧敏

林穎彤(Bella)今天於商台接受訪問,宣傳新歌《你永遠是最好》,Bella指新歌的意思能夠套用於不同想法,如愛情、喜歡的偶像也可以,Bella指很開心有一首屬於自己的輕快歌曲,而新歌MV是用愛情故事演繹,自嘲在MV中「發晒姣」。問到Bella有否暗戀男生的經驗?她笑說:「有呀,喺中學暗戀過一個打籃球嘅男仔,嗰樣好似余文樂㗎,由中一至中三暗戀咗3年,放小息同放學都會偷望佢,家政堂試過整嘢食偷偷哋放喺佢個位度。我唔敢做主動,就算鍾意都唔會主動表白,如果有唔好結果就破壞咗成件事,我怕醜,又要面子。」

至於目前的感情狀況,是否跟師弟伍富橋拍拖?Bella說:「了解中,而家識男仔係要諗長遠,唔會好心急,因為工作嘅時間要好專注,如果感情唔認真都唔想浪費時間,而家已經冇咗少女想拍拖嘅心態,朝向中女方向,時間越嚟越寶貴。」

另外歌手林奕匡(Phil)亦在商台受訪,他剛在美國完成2個月進修,Phil自言感覺實在:「去讀音樂課程,靜咗一段時間,寫吓歌,有幾多寫樂多,最終做好咗5首歌。喺嗰邊好充實,每朝9點上堂,夜晚9點放學,學咗好多嘢。」回港後便開始「還債」,除積極灌錄唱片,同時要忙中、港兩地的演唱會演出,11月他將到非洲參加慈善跑,要完成10公里賽,他說:「我都鍾意跑步嘅,不過去到要跑高山,都好大挑戰,所以而家要積極練跑,而家會一半踏單車,一半跑步,唔想太傷腳。」

提到8月跟太太李靄璣(Rikko)結婚兩周年紀念,Phil透露他們訂了酒店,並拍攝了一輯相片留念,他說:「要慶祝㗎,都係簡單度過,唔想花太多錢買多餘嘅嘢,我鍾意送啲有心思嘅禮物,但係最大嘅驚喜唔係嚟自我,因為幫我訂酒店嘅職員好鍾意聽我嘅歌,所以當日一入到酒店房就已經佈置好晒,係好開心嘅。」

採訪、攝影:羅慧敏

娛聞樂陪你走遍全球追星,即Like「娛果」FB 專頁!
BannerBanner