【強調要以和為貴】黃夏蕙嘆香港變死城 希望大家化悲憤為力量

更新時間 (HKT): 2019.09.21 17:35
(攝影:盧妹)

黃夏蕙、露雲娜與李龍基,今日到馬鞍山出席活動,夏蕙姨日前貼拉頭馬相「靚抽」何君堯,她笑言只是娛樂大家。

談到反修例運動,夏蕙姨說:「世界和平、馬照跑,唔好咁閉翳,我有朋友揸車搵食,而家供唔起車,真係諗過自殺,我就勸佢,呢啲時間好快會過去。生命好寶貴,大家都係香港人,有乜都可以講掂佢。」問夏蕙姨是否贊成對話?她說:「梗係要啦,大事化小,小事化無,大家重整番香港。」對於有不少聲音認為政府不聽民意,她認為凡事要慢慢來:「撐落去,大家都唔好。」夏蕙姨直言香港變了死城,12月2日她舉辦生日會,原定邀請很多朋友,但大家都擔心香港情況不敢來,她強調大家要以和為貴。

提到早前到灣仔撐人鏈活動,隨後被朋友杯葛,夏蕙姨謂只想勸交和支持年輕人,更形容是無妄之災:「我見嗰度咁平安,做完嘢就去搵啖食,見到啲年輕人,佢哋好鍾意我,攬住我、拖住我要自拍、影相,我梗係歡迎,啲後生好乖,個個我都當佢哋朋友一樣。我唔會做嘢傷害香港,希望大家化悲憤為力量。」

同場的露雲娜及李龍基,今日會在台上獻唱,問到會否合作開騷?李龍基坦言最近少了音樂會,但笑言酬勞已經很低,所以未有減價接騷:「要減我冇飯開㗎喇,我最緊要係三贏,我有錢賺、老闆有錢賺、觀眾有得着。」露雲娜亦未有減價接騷,她透露明年3月將舉行慶祝入行50年的音樂會,但坦言最近心情不好:「香港係我哋個家,我老公都鬧我、要我熄電視唔准睇新聞,因為我睇到喊。」李龍基亦表示很心噏:「全香港都心情唔好,香港一向唔係咁㗎嘛。」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner