【孭40磅行裝】余曉彤出征克羅地亞 腳底起水泡靠啪止痛藥完成賽事

更新時間 (HKT): 2019.09.21 16:42
(fb圖片)

余曉彤(Hidy)熱愛上山下海的運動,她近日獲邀跟教練及幾名隊友到克羅地亞參加一個當地104公里賽事,因為不停行山,Hidy行山時腳板又行到生水泡,嚴重到要刺穿包紮,其後又不慎跌倒,雙膝擦損,可謂禍不單行,Hidy昨晚在facebook貼出相片受傷照片,並大吐苦水。

Hidy今日接受《蘋果》訪問,她說:「今次受邀請去克羅地亞同幾個跑山隊友同教練參加一個當地104公里賽事,我哋亦都係為嚟緊11月香港毅行者100公里賽事做準備,當training camp。但唔同嘅係我哋各人都要孭住40磅嘅背囊去完成賽事,因為要孭住咁多日嘅食物,瞓覺嘅露營用具,邊行邊紮營。第一日行咗37公里,初時冇諗過原來歐洲嘅山路同香港都幾唔同,好多都係佈滿石頭嘅路,同比較峻峭嘅山路,好唔習慣。5日瘋狂旅程,第一日就生咗4個大水泡,我教練幫我整穿咗放水,但第二日行完,同一個位又再生水泡,變咗兩層水泡,我中途唔理,孭住40磅大backpack,一度9分pacing跑毅行咁跑。向前仆倒再跣咗一嘢,『飛豬』仆親整損對腳,然後再經歷多幾日非常難行嘅山路,剪開水泡見到嘅唔係血,係表皮真皮冇咗,已經傷到肌肉層。」雖然雙腳受損,但並沒影響Hidy堅毅完成賽事,她續說:「每日食止痛藥,靠意志行,其實都係夾硬行,所以最尾咁傷。我而家行得好唔方便,腳板唔掂得落地,我哋喺呢個比賽第一批參賽嘅亞洲人,其中比賽中有50名外國人退賽,但我哋香港人全部完成,為港爭光。」

Hidy把腳傷的血淋淋畫面直擊貼fb後留言:「雙腳原來真係永遠無極限㗎,哈哈,辛苦你啦!終於完成104公里克羅地亞賽事,可以好好休息下,特別嗚謝我師父,成個旅程不斷要同我玩腳,冇咗佢,真係唔知點算P.S. 內容有點不雅,敬請留意(不過睇到呢度,應該迫你哋睇完)。」

娛聞樂陪你走遍全球追星,即Like「娛果」FB 專頁!
BannerBanner