【專注工作】陳家樂被問同陳瀅傳緋聞 直言︰唔會一齊

更新時間 (HKT): 2019.09.21 16:09
攝影:王連連

陳家樂今日在港台出席活動,與小朋友錄廣播劇,劇中他飾演父親,但他有感聲線不夠成熟,故他會盡量壓低聲線來配合。至於陳家樂與陳瀅的緋聞傳了多時,日前有周刊指二人同居,他否認此事,只謂當日在陳瀅居所外出現,只是探其他朋友:「我哋係好朋友,冇拍拖,亦冇同居,當日唔係上佢屋企,嗰日我係探其他朋友。」他被取笑多朋友可作掩護,他笑說:「有個圈外朋友住嗰度。」

他指與陳瀅有聯絡,亦知對方近日忙於拍劇,二人都專注工作,對於兒女私情暫不考慮,他說:「暫時唔考慮住,大家都未會諗住發展,差啲咩?大家都要做嘢嘛,佢女神嚟架嘛。但合作(拍戲)都OK,合作都好愉快。」

雖然陳家樂被視為男神,但問到追求女神是否有難度?他說:「唔會一齊,顧住工作唔諗拍拖。」通常傳聞多時的事都會變成事實,但他說:「通常傳咁耐唔係真,入行以來我好少緋聞。」另外,他將會開拍新劇,現時要操肌健胸,胸肌要大一倍,所以會飲大隻奶粉,令效果更佳。

採訪、攝影:王連連

娛聞樂陪你走遍全球追星,即Like「娛果」FB 專頁!
BannerBanner