【四連擊】麥潔文夫妻檔練歌 老公江華狂窒叫收腰

更新時間 (HKT): 2019.09.22 23:15
攝影:陳俊強

麥潔文將於下月假旺角麥花臣場館舉行音樂會,今晚在九龍灣進行綵排,老公江華會擔任表演嘉賓,今晚亦有到場一起練歌。合照時,江華從後攬住老婆,並示意「收收條腰吖!」其後影單人相時,江華向老婆笑說:「你行開啦,單人照呀,都唔湊米氣嘅!」之後麥潔文與江華合唱當年自己與張國榮的合唱歌《Miracle》,兩人深情對望,十分投入,不過唱完之後,江華嘲老婆忘記歌詞。

受訪時,麥潔文指老公說話向來風趣,但江華卻投訴經常被老婆窒,麥潔文即反擊:「你一入嚟就窒我喎。」提到他叫老婆「收收條腰」,江華呼冤:「頭先我話收腰,係同自己講,收咗個人會挺啲,唔使寒住個背,佢就誤解咗,以為我叫佢修腰。」麥潔文說:「我講嘢唔夠佢叻。」

麥潔文表示為個唱積極減肥,江華叫老婆:「算啦!」麥潔文沒好氣說:「係咪即係減都冇用呀?」江華立即解畫:「我係心痛佢,我意思係算啦,唔好再減喇,佢而家已經120幾磅,如果再減,我驚佢太索,無謂啦,我驚㗎,我越嚟越冇自信。」麥潔文向老公派定心丸:「驚咩呀?我都冇人吼。」

被老公嘲笑忘記歌詞,麥潔文表示個唱要準備字幕機,江華又說:「小鳳姐呀,我都唔見有字幕機㗎!你應該向小鳳姐學習下啦!」被老公狂窒的麥潔文,踢爆老公一直恨做歌星,江華即時笑住反擊:「咪玩啦你,呢個時候先恨做歌星,係都30年前啦,不過咁,我覺得唱歌開心過拍戲,(望一望老婆)你做乜越企越後?你唔好以為企喺我後面會瘦啲喎!」麥潔文說:「我冇呀!」

娛聞樂陪你走遍全球追星,即Like「娛果」FB 專頁!
BannerBanner