【無代溝】韓馬利腦膜炎病癒死頂出席聚會 蔡少芬興奮托肚舉V

更新時間 (HKT): 2019.10.04 12:42
(微博圖片)

46歲的蔡少芬(Ada)今年6月宣佈懷上第三胎,估計佗B已有7個月。雖然屬於高齡產婦,但Ada仍然好有活力,間中都會出外做舒展筋骨運動,日前又約齊一班好朋友相聚,身心都Keep住健康。毛舜筠昨晚在微博上載一張大合照,見Ada好生猛,企在後排,一手托住巨肚,一手舉V,表現得相當興奮。另外還有陳法蓉、商天娥、黃愷欣等,毛舜筠留言:「友誼永固。」陳法蓉都有轉載,並說:「愛愛愛你們。」

而在今年8月患上腦膜炎的韓馬利,出院後閉關調理,但昨日亦有現身參加聚會。相中見她明顯比以前消瘦,穿上厚厚衣衫,但望落精神尚算不錯。韓馬利今日回覆《蘋果》時說:「唔係㗎,我死頂,而家都好唔妥,日日都睇醫生,又中又西,食藥都食到傻咗,中西醫都話之前腦膜炎入院,打咗兩個幾禮拜抗生素,要消炎,身體機能散晒,我要有排調理,而家仲手震、腳震,最弊完全冇胃口食唔落嘢,個人好攰又失眠,都唔知睇乜嘢醫生好。」

娛聞樂陪你走遍全球追星,即Like「娛果」FB 專頁!
BannerBanner