【造人大計】黎燕珊傳授林夏薇楊怡生仔秘方 睇好娛圈新媽咪誕生

更新時間 (HKT): 2019.10.06 11:58

黎燕珊、天堂鳥、鄧穎芝及李莉等今日到科學園出席慈善跑活動,黎燕珊為活動擔任主禮嘉賓:「我好開心可以參與呢個慈善跑,而家社會氣氛咁樣,要做多啲有益嘅活動。」她表示有跑步習慣,提高自己的正能量:「又唔使錢、又減壓。」

黎燕珊透露與林夏薇於新劇中再度合作,自爆曾向對方傳授生仔秘方:「都係啲動作嘅time table。薇薇收到好開心,不過呢個女工作心太強,佢話拍埋呢個劇,會養好身體先。」她笑言不是亂給秘方,只傳授予林夏薇及楊怡:「我睇好佢哋會做到媽咪。」問到有傳楊怡已成功造人,黎燕珊表示不知情:「好姊妹,唔使問,係就會講㗎啦,香港人壓力都爆棚,唔好畀壓力佢。」

天堂鳥今日參與3公里賽事,他們表示平日亦有跑約5、6公里。問到他們是否忙於籌備下月舉行的演唱會?天堂鳥有點失望地表示:「可能要延期,或者要延到明年3、4月,我哋當然好想做啦,都要等公司安排好再公佈。」問他們是否因為近日社會氣氛而延期,天堂鳥承認是受某程度影響:「都好嘅,原本出得一首歌,而家可以叫公司畀我哋出多幾首先,都想創作首慢歌,畀歌迷了解下我哋嘅感情世界。」

提到感情世界,早前葉灝基(Gordon)被指得與同門師妹關嘉敏(Carman)拍拖打籃球,他說:「順其自然啦,我面紅添,怕晒醜咁,而家了解中,大個仔拍拖會同大家講。」許俊豪(Lincoln)則笑指Carman是大嫂。

另外,記者笑指他們三人齊齊外出,隨時被指控非法集結,Gordon笑謂:「我哋出活動啫,平日唔見㗎。」至於蒙面法生效,問有否影響他們平日外出?Gordon直言平日不喜歡戴口罩外出:「畀人見下、認得,唔好咩?」歐喬鋒(Tyrese)指公司有提醒他們外出時化妝:「着靚啲囉。」

娛聞樂陪你走遍全球追星,即Like「娛果」FB 專頁!
BannerBanner