【婚禮改期】超盈2021年大英博物館行禮 想荷包蛋做花女見證

更新時間 (HKT): 2019.10.07 15:27
(資料圖片)

賭王四房大女何超盈今年8月,為哈佛未婚夫辛奇隆生了女兒「荷包蛋」Audrey Rose,由於專心湊女及調理身體,日前她的文化公司在澳門舉行Art Macau活動亦未能現身,四太梁安琪代為出席,在活動上她提及有份幫手湊孫,透露女兒的婚禮有變動,細節就等超盈自己講。

超盈今日回覆《蘋果》,透露原定構思明年在葡萄牙舉行的古堡婚禮將改期及更改地方,將於兩年後,2021年6月在倫敦的大英博物館(The British Museum)舉行。超盈表示:「係有幾個原因加加埋埋改期,因為生完BB要忙湊女,又要pickup返之前好多project,加上生完之後,身體荷爾蒙調理緊,醫生唔建議我咁快搭飛機頻撲,我哋又想等荷包蛋大個少少,識行識走,做花女見證父母婚禮,商量完就決定改期,希望多少少時間,各方面都籌備得好啲。」

超盈表示已決定不會在香港舉行婚宴,問到為何突然轉地方,選址大英博物館做婚禮場地,超盈解釋自己5年前已做了博物館的patron,近兩年被委員邀請加入了Sloane Circle組別,有機會參與更加多文化項目,她說:「我想荷包蛋自小接觸到藝術呢樣嘢,我係同博物館傾緊一個教育項目,就諗起喺度搞婚禮就會有一個難忘嘅回憶,同埋英國係我中學讀書嘅地方,好多好朋友都喺呢個地方一齊長大,所以喺英國搞都方便到大家。」

娛聞樂陪你走遍全球追星,即Like「娛果」FB 專頁!
BannerBanner