【十月新娘】鍾舒祺元朗舉行婚宴 為親友安全着想要延期

更新時間 (HKT): 2019.10.08 13:14

鍾舒漫的34歲胞妹鍾舒祺於今年情人節升呢做人妻,跟拍拖4年的樂隊Ever結他手李恒韜簽紙結婚,兩人本計劃於星期日(13日)在元朗區舉行婚宴,惟因近月的社會運動影響,一對新人決定將婚宴延期舉行。

鍾舒祺接受《蘋果》電話訪問承認婚宴改期,希望大家一起有盼望,堅強面對:「我覺得ok嘅,因為對我哋嚟講,着重大家安全先,同埋屋企有好多老人家,又住得好遠,驚佢哋唔方便,有啲朋友就帶埋BB嚟,地方真係有啲崎嶇,為咗大家安全着想同交通着想,驚嗰日交通唔順暢,就算嚟到又好難走,我覺得最理想就係延期,我同老公考慮咗一段時間,屋企人都好支持。」

而胞姊鍾舒漫表示:「其實今次冇話擺幾多圍,祺祺一直鍾意外國式,可以有啲室外,自助餐形式。」據知,改期跟婚宴場地位於元朗區,而場地、酒水、攝影及婚紗各方面都體諒同意改期,暫定改在明年舉行。

娛聞樂陪你走遍全球追星,即Like「娛果」FB 專頁!
BannerBanner