【今晚男家擺喜酒】鍾舒祺春麗Look出嫁 家姐鍾舒漫感動到喊

更新時間 (HKT): 2019.10.12 20:36
今晚鍾舒祺和老公李恒韜補辦婚宴。(IG圖片)

鍾舒漫34歲妹妹鍾舒祺,今年情人節跟拍拖4年樂隊Ever結他手李恒韜簽紙結婚,二人本來定於明天在元朗擺喜酒,但上周鍾舒祺表示考慮到近月的社會運動,所以宣佈將婚宴延期。

不過,今日鍾舒漫於Instagram上載了妹妹鍾舒祺婚宴短片,原來今晚男家擺酒如期舉行,片中見鍾舒祺穿上裙褂,與穿西裝的老公跪在地上向長輩斟茶,而鍾舒祺滿身金器,頭上紮髻還加了金飾,有點似《街頭霸王》的春麗造型。斟茶時,鍾舒祺不停收到龍鳳鈪和利是,單是龍鳳鐲已有3對。斟茶儀式後,鍾舒祺換上紅色晚裝,與新郎跟親友們合照留念。估計婚宴片段是鍾舒漫本人拍攝,她還在片中打上「Will I cry」,似乎身為姊姊的她見到妹妹喜事大為感動。

鍾舒漫接受《蘋果》訪問時表示,因男家方面的酒席不能改動,故只能在今日擺酒,但女家則訂了下年才擺:「知道今日交通未必咁暢順,男家嗰邊全部朋友都好畀面,我哋都安心,之前擔心好耐但又冇辦法,因為佢哋唔似我哋咁可以hold同延遲,佢哋真係郁唔到,見大家安全嚟到開開心心咁食嘢,我哋都安心晒,男家方面亦好好,有安排車接送,希望佢哋(賓客)安全返到屋企。」

娛聞樂陪你走遍全球追星,即Like「娛果」FB 專頁!
BannerBanner