【阿檸曠工源頭】Van結婚連串風波 證Cheronna分手心痛

更新時間 (HKT): 2019.10.13 08:00

樂隊Nowhere Boys、Dear Jane及許廷鏗昨晚到中環海濱為「Mercedes-Benz BAM 2019」活動演出,今次是Nowhere Boys主音Van婚後首次演出,他笑言心情未有太大分別:「因為同太太一齊生活咗好耐,而家出騷會再落力啲,努力做嘢。」問到可有生B計劃?他說:「暫時未有,所以最近買咗隻狗頂住先。」

提到婚禮早前在英國舉行後,有份出席的Super Girls成員Cheronna(吳嘉熙)和商台DJ阿檸傳緋聞,更牽涉到阿檸和拍檔Oscar曠工出席婚禮。Van表示有留意相關報道:「自己唔方便講咁多,無論佢哋點,我都會支持,歸根究柢係佢哋嚟完我個婚禮就引起呢啲風波,但都問番當時人最清楚。今次我請咗最親密嘅朋友,全部都有幫我準備婚禮。」又透露原本都想邀請黃奕晨(Dixon)出席,他說:「本身想透過Cheronna請,點知佢哋分開咗,都知Cheronna唔開心,分咗手之後仲有呢啲新聞,但佢同阿檸係冇可能一齊,簡直係天方夜譚!」

對於阿檸和Oscar被公司處罰一事,Van事前不知情:「知就唔會叫佢哋嚟,都唔想畀壓力佢哋,祝福我就已經夠,但我知佢哋都想親身嚟見證我結婚。」

另外,許廷鏗和Dear Jane分別透露即將推出新專輯,許廷鏗稱本月尾會推出個人大碟《拾》,碟名包含多個意思:「係我入行10周年、第10隻大碟、入面有10首歌,烚吓烚吓咁!買一隻碟仲會有10個封面,除咗攝影師幫我影,仲有好多朋友,而家出碟唔容易,都好開心。」

採訪:曹家誠

娛聞樂陪你走遍全球追星,即Like「娛果」FB 專頁!
BannerBanner