【唔關DJ阿檸事】Aka@SG一早知分手 指Cheronna心情已平復

更新時間 (HKT): 2019.10.13 15:56

趙慧珊(Aka)今日到鑽石山出席活動,她指自己平日亦有運動習慣,保持心臟健康:「每星期都會做gym同跑步,跑步可以令血液循環好啲,望落個人都輕啲呀。」

Aka表示曾經因為擔心父母健康,誤信傳言以為吃太多飯會影響心臟,因此有段時間不准媽媽吃飯:「因為我媽媽係飯桶,佢好鍾意食飯,後來醫生同我講呢啲冇根據,我好衰,唔畀阿媽食飯,哈。」

至於好姊妹吳嘉熙(Cheronna)剛剛宣佈分手,問Aka可有關心Cheronna?她指對方心情已平復不少:「前兩日同佢做嘢,佢都收拾得七七八八,我哋都有支持佢,見佢都好投入工作,應該好快就回復。」Aka坦言早一段時間已經知道Cheronna的感情出問題:「當時佢梗係好傷心,我哋都成日陪佢傾偈,不過而家都冇乜提,所以我都冇再刻意問。」問她有否問Cheronna與DJ阿檸的緋聞,Aka即笑說:「一定唔係啦,呢個我哋知。」她笑言會帶Cheronna去拜姻緣石:「其實我自己想去,利用下啲姊妹啦。」

Aka表示明天會到韓國個多星期,密集式進修舞技:「今次自費,都使咗五位數,希望自己有進步啦。」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner