【腦瘤證實為良性】黑妹遵醫囑割肺葉抗肺癌 最怕拖累女兒

更新時間 (HKT): 2019.10.15 16:51
黑妹表示,最怕自己有病後,要女兒服侍照料。(圖左:資料圖片/圖右:受訪者提供)

現年58歲、有份參演無綫新劇《牛下女高音》的「黑妹」李翊寧(前名李麗霞),被揭今年3月確診肺癌,她更承認自己前年與肥媽Maria Cordero開完演唱會後,黑妹發現自己的頸椎生了一個4厘米的腫瘤,其後接受長達7小時的手術,手術後一度未能自理,令堅強的她都忍不住落淚,但出院後20日,黑妹堅持上台演唱,完成工作。

不過,病魔在今年再一次來襲,黑妹在3月份一次的身體檢查中,發現自己肺癌,她今天接受《蘋果》電話訪問時說:「其實初初一知道嘅時間係好唔開心嘅,梗有滴眼淚啦!因為我每年都有檢查嘅,年紀大咗啦,一年半前我已經做咗一個頸椎嘅手術,一年半後,我又係有啲唔舒服,去咗搵我個家庭醫生,跟住做檢查,因為我驚中風,如果中咗風要個女嚟服侍我,好辛苦㗎嘛,我唔想拖累咗啲後生嘅。醫生話我身體都OK,但個肺有一粒(腫瘤),嗰陣時啲眼淚咪標咗出嚟囉!」

經家庭醫生介紹下,黑妹轉去看專科醫生,她轉述專科醫生的話:「佢話『你好好吖,你嗰粒喺個肺葉,唔好淨係切嗰撻,切成忽(個肺葉),唔使化療,唔使電療,very good!』咁囉,個人要面對,所以醫生話乜我咪做乜囉。」

身為唱家班,又以唱歌搵食的黑妹,肺出事,會否影響她的工作和演藝生涯?黑妹說:「而家唔健康嘅嘢都戒咗,對唱歌冇影響,戒咗煙之後把聲靚咗好多!哈哈哈哈!」黑妹更強調:「戒咗煙之後皮膚好咗,聲又清咗,痰又少咗,真事!」

不過,黑妹亦坦承現時的體力不如前,免疫力亦低了,需要慢慢提升。至於黑妹的腦中亦被發現有腫瘤,她表示經檢驗後,已證實為良性腫瘤。

其實黑妹的家族有肺癌病歷史,她的母親麥麗萍於2012年5月因肺癌病逝,難怪黑妹今次患病,她十分擔心自己,又怕要女兒照顧自己。

採訪:魯吉

娛聞樂陪你走遍全球追星,即Like「娛果」FB 專頁!
BannerBanner