【阿仔要返工】麥潔文開騷被老公江華搶風頭 囡囡上台獨唱夠淡定

更新時間 (HKT): 2019.10.17 11:20

麥潔文(Kitman)昨晚在旺角麥花臣場館舉行演唱會,楊玉梅、張彥博等亦有到場欣賞,Kitman請來老公江華、女兒陳薔天及學生們擔任表演嘉賓。她以金黑色閃片短裙、黑色長靴現身,又唱又跳《Rock Me》、《勁舞Dancing Queen》、《愛跳舞的少女》熱身,她說:「我跳到成身汗,你哋warm up未呀?」接着她到台下一邊與歌迷握手,一邊唱《眼看手勿動》和《電光霹靂舞士》。

女兒陳薔天在台上獨唱《兄妹》,再與媽媽Kitman合唱《至少還有你》,唱完Kitman問:「大家覺得佢合唔合格?」觀眾立即報以掌聲。Kitman又與學生們合唱《陽光下的孩子》和《酒干淌賣無》。

江華與Kitman合唱《Miracle》後,有女歌迷大叫:「你好靚仔!」Kitman即說:「你一出嚟,焦點就去晒你度,我有啲呷醋。」江華就氹番老婆:「咪咁啦,我都係你fans。」他將接過歌迷的花再轉送給Kitman。在Kitman返回後台換衫時,再有歌迷大讚江華靚仔,江華笑說:「我都去到呢個年紀,你仲話我靚仔,真係令我好慚愧,唔好講呢啲嘢啦,細路仔都氹唔到,去到呢個年紀,唔係講靚仔,係講型。」接着,江華獨唱《追》,再與Kitman合唱《分分鐘需要你》,Kitman說:「好開心可以再唱歌畀大家聽,亦都見到好愛錫我嘅觀眾。」江華卻指是她不打算再出來唱歌,Kitman則說:「你唔畀我唱丫嘛,你叫我湊仔丫嘛!」江華表示子女已經長大,Kitman又好感慨地說:「喺咁嘅社會氣氛,大家都嚟捧場,好多謝大家!」最後,她唱出《夜夜痴纏》結束這場演唱會。

訪問時,Kitman坦言不夠喉,希望能夠盡快再開。提到江華被讚靚仔,Kitman表示不要呷醋,「咁咪好囉,講真丫,我都唔執輸架嘛!」至於與女兒陳薔天合唱,她指女兒喜歡唱歌和表演,但又不想入娛樂圈,她說:「佢而家讀緊大學,成日話讀完又想讀博士,讀唔停。」

娛聞樂陪你走遍全球追星,即Like「娛果」FB 專頁!
BannerBanner