【韓流】賴冠霖控訴CUBE臨時取消工作 今午終蒲頭現身活動

更新時間 (HKT): 2019.10.18 18:03
目前正跟CUBE事務所打官司的賴冠霖,今日終於現身。

目前正專注在大陸發展的賴冠霖,原定今日飛到韓國出席品牌活動,他亦已於今晨抵達韓國,不過他今日凌晨上機前,突然在IG表示CUBE臨時了取消相關工作,未知今日能否如常現身見粉絲。賴冠霖用韓文寫道:「剛剛收到一個訊息,睇到之後真係好驚慌,(CUBE)原本已經冇再聯繫,點解今日突然主動聯絡返?仲要揀好上機前一刻,到底係咩意思?實在太慌張喇,之後打咗電話去問,係叫我唔好去已經定好嘅活動?仲要係活動開始前16小時前?到底係咩情況?」賴冠霖續指會盡力解決事件,希望可以如常跟粉絲見面,並向粉絲道歉。而賴冠霖今午如常現身活動。

相關發文已經被刪除,不過就引起網民熱議,大陸粉絲大感心痛,紛紛留言表示:「唔好再傷害佢喇」、「你唔需要道歉,一切都會順利。」等,反而韓國網民就反應兩極,有人叫賴冠霖了解完事件先再發文,亦有人稱賴冠霖年紀尚小,對目前情況一定覺得特別無助,呼籲其他網民不要落井下石。

娛聞樂陪你走遍全球追星,即Like「娛果」FB 專頁!
BannerBanner