【94年參選】李綺虹講起亞軍活麗明 冠軍譚小環:有廿幾年冇見過佢

更新時間 (HKT): 2019.10.19 17:25

譚小環、李綺虹、楊思琦和向海嵐出席ViuTV全新節目《香港親善小姐》記者會,譚小環及李綺虹均是1994年參選港姐,二人分別奪冠軍、季軍,她們亦開心講起同屆亞軍活麗明(Annamarie Wood),李綺虹說:「好多年前喺美國見過佢。」譚小環續說:「有廿幾年冇見過佢,另外我同監製講咗,下次希望去加拿大,嗰度始終係李綺虹地頭,今次去咗東京8日,拍呢個《香港親善小姐》。」

李綺虹稱今次行程充實,安排得相當緊密,製作組又會給她們驚喜,李綺虹笑言:「譬如我哋去咖啡店同壽司店,佢哋(製作組)會安排男士服侍我哋,又試過一啲另類按摩。」講到她們會否想起當年選美的回憶,譚小環說:「其實今日有啲感觸,近年自己都係着牛仔褲嗰啲,今日着得咁隆重,選港姐嘅感覺返番嚟。」

娛聞樂陪你走遍全球追星,即Like「娛果」FB 專頁!
BannerBanner