【抗暴之戰】阮民安現身重慶大廈陪印裔YouTuber派水 王宗堯讚港人冇分化

更新時間 (HKT): 2019.10.20 16:30

今日民陣發起於尖沙嘴舉行遊行遭警方封殺,不過市民有自由去街,仍在「孭簿」中的王宗堯,今日以一身便服裝束現身尖沙嘴重慶大廈,沒有戴上黑口罩也沒穿黑衣,原來他只是到該處支持少數族裔,嘆平民咖喱,他接受《蘋果》記者訪問,一臉輕鬆地說:「我今日出嚟行街食咖喱,同埋快到Halloween,諗住出嚟搵啲嘢應節,點知出到街,見到好多香港人行晒出街,但又唔見香港警察,啲警察匿埋晒。」

王宗堯直言出到街見到好多香港人,在重慶大廈又見到印度裔人YouTuber Vivek Mahbubani(阿V)向市民派水,非常欣喜:「因為香港人冇因為咁分化、針對少數族裔,大家都係香港人,呢種分化,香港人係不受影響,係明辨是非,每一個種族嘅人都有好唔好,就算中國人都有好同唔好,你睇吓個啲光頭咁嘅警長,又走去開槍,所以真係唔關事。」

談及昨日發生在大埔的一宗年青人遇襲受傷事件,王宗堯怒斥:「自己睇到都好嬲,但係又唔知點解嗰個人又走去自首,唔知警察會唔會好好招呼佢呢?作為香港人,今日見佢哋行出嚟覺得好驕傲。我食咖喱食到一半,出面就放催淚彈,我估計都唔走得住,上去食埋兜咖喱,再睇吓有冇路走。」

不獲無綫續約的鄭敬基,今日就選擇和老婆到尖沙嘴拍拖,兩人着黑衫戴口罩,鄭敬基說:「我們相信今天好多人會有一樣的感覺,到那裏拍拖、戴不戴口罩是人身自由,就算有不同政見,冇人應該因此被攻擊。」

積極參與社會活動的阮民安(Tommy),今日到尖沙嘴參與九龍區大遊行,Tommy現身重慶大廈表示:「我今日都會陪大家走到尾,大家都要小心啦,因為佢哋都真係癲癲哋嘅,有時開始咗10分、8分鐘,佢哋就發癲㗎喇,真係要用『癲癲哋』去形容佢哋,所以我哋大家都要小心,同埋要人夠多!」

印度裔人Vivek Mahbubani(阿V)就到重慶大廈幫忙派水給遊行人士,他受訪時表示:「自己雖然屬於少數族裔,但我哋全部都係香港長大,都係土生土長香港人,所以今日嚟幫手派水同打氣,我哋熱愛香港呢個地方,守護呢個地方,唔應該分種族。」

娛聞樂陪你走遍全球追星,即Like「娛果」FB 專頁!
BannerBanner