【抗暴之戰】Tommy入重慶為派水南亞手足打氣 強調「最緊要人多」

更新時間 (HKT): 2019.10.20 15:28

近日積極參與社會活動的阮民安(Tommy)今日到尖沙嘴參與九龍區大遊行,Tommy現身重慶大廈,他在街頭受訪時,沿途已有不少人跟他打招呼,他與對方合照,又互相勉勵,叫對方加油。Tommy表示:「今日見到咁多人就證明連日嚟嘅遊行,就算警方有冇畀不反對通知書,大家都依然會走上街頭,我今日都會陪大家走到尾。最緊要係人夠多,人夠多就冇危險㗎喇!」

Tommy認為,近日幾次遊行集會,無論是否獲警方發出不反對通知書,警方都很早就會驅散,或者會發射催淚彈,所以他呼籲:「其實大家都要小心啦,因為佢哋都真係癲癲哋嘅,有時開始咗10分、8分鐘,佢哋就發癲㗎喇,真係要用『癲癲哋』去形容佢哋,所以我哋大家都要小心,同埋要人夠多!」

講到繼岑子杰之後,昨日在大埔有一名19歲的青年被割頸劏肚重傷,Tommy說:「睇到都好嬲,其實嗰位只係一位宣傳今日遊行嘅手足,仲要咁細個,嗰啲人斬完人又自首,好心就唔好用啲咁渣嘅招數囉!而且用呢啲方法諗住嚟嚇我哋,係唔會驚㗎!我哋會繼續出嚟。」

Tommy入重慶同一班派水手足打氣,而重慶入面的南亞人除了派水之外,又不斷向在彌敦道遊行的人士打氣,與大家一起唱《海闊天空》,Tommy亦有參與其中,現場還有毛孟靜及印度裔人Vivek Mahbubani(阿V)。

娛聞樂陪你走遍全球追星,即Like「娛果」FB 專頁!
BannerBanner