【犧牲色相】人妻王敏奕被摸pat非禮 拍劇打真軍唔錫身

更新時間 (HKT): 2019.10.21 15:45

上月升呢人妻、與曾國祥在日本舉行婚禮的王敏奕,竟然慘遭摸pat非禮,誰人如此斗膽連曾志偉新抱都敢出手?其實王敏奕被非禮一幕,乃是ViuTV劇集《假設性無罪》明晚播出一集劇情。

劇中王敏奕被公司老闆樓南光指派陪大客食飯,飲到面紅耳熱的大客,飯局上不停灌王敏奕飲酒,又借醉挨身挨勢,甚至狼死到伸出鹹豬手由女方腰肢摸到落pat pat位置,然後還捏了一下,忍無可忍的王敏奕不甘受辱,大巴掌摑向大客後拂袖離去,之後並決定聯同其他曾遭性騷擾女同事開記者會控訴公司不良文化。

對於今次拍劇不斷犧牲色相,王敏奕指自己不用加「Pat」保護自己:「呢場戲嘅意義大於畫面,因為對女性嚟講係一件好尷尬嘅事!個角色設定雖然唔係大膽,但都會為自己出頭,所以好快可以逃出魔掌!」她又指自己開工唔錫身,反而是身邊同事不停提醒她小心走光:「我第一次咁重戲份,一日拍十幾場戲,呢個挑戰好大!身邊同事好緊張我,提我領口要拉高啲,有同事照顧我,咁就可以落力演出!」未知她老公曾國祥會否「冇眼睇」?

本周三劇集大結局,身為男主角的梁漢文,大爆張慧儀是全劇最搏命的演員,又指慧儀拍完一場色誘他的場口後,相關導演翌日即時眼腫,梁漢文解釋:「原來佢拍完慧儀姐場戲後,生咗眼挑針!所以你話拍呢部戲幾辛苦,隻眼都唔知放邊度好!」

娛聞樂陪你走遍全球追星,即Like「娛果」FB 專頁!
BannerBanner