【連續兩晚捧場】郭富城開騷晒溫馨 觀眾一齊幫手搵女

更新時間 (HKT): 2019.10.21 19:10

郭富城在澳門舉行一連兩場《郭富城舞林密碼.夢幻距離2.0演唱會》,昨晚圓滿落幕,原來城城2歲大女Chantelle(大寶)是鐵粉,連續兩晚去捧場睇爸爸做騷,燈棒不離手,一路揮棒一路跟住拍子,學爸爸跳舞。城城的大公主大寶特別喜愛《Para Para Sakura》和《就是孫悟空》,跳到中途更開心大叫:「爸爸。」,而城城亦溫馨回應:「我嘅大寶有嚟支持我,Chantelle坐喺邊度?」全場觀眾即時大拍手掌兼四圍望,一於幫城城搵女。

一輪快歌之後,城城接着獻唱多首情深的經典金曲,城城說:「能夠喺10個月之內,喺同一個站做兩次大型表演,實在好榮幸,今次智能舞台擺放、視覺特效、舞蹈編排,都用咗好多心思。」 此外,城城透露稍後會和電影《麥路人》團隊,分別去參加東京和倫敦電影節,期待分享是次全球首影,更希望電影有好成績。

娛聞樂陪你走遍全球追星,即Like「娛果」FB 專頁!
BannerBanner