【又走一個】大隻仔溫家偉約滿離無綫 轉投新加坡拍劇

更新時間 (HKT): 2019.10.22 17:27

現年32歲、08年參加港男的溫家偉,當年落選後返美國繼續讀書,09年畢業後回流返港加入無綫,曾經在明珠台擔任天氣報告主播,同時亦有參與不少劇集的演出,不過發展平平,今日他在IG留言,表示自己與無綫已經約滿並正式離開,他說:「It’s official!!! My contract with Tvb has ended!!!! 首先我想多謝TVB畀咁多機會喺呢10年。如果冇TVB就冇呢一個大隻仔。其實10年過得好快。我仲記得我第一次行入TVB,一個好驚,唔識講中文嘅小朋友。不過因為佢哋,我學識咗好多嘢。我想喺呢度多謝所有監製、導演,同埋任何人幫到我,畀個機會我。希望有一日我哋可以再見面。我會繼續努力喺香港發展。」

大隻仔亦表示自己開了一個YouTube Channel,不時update自己近況:「I will have a daily vlog of my life! 我做緊咩啊,食緊咩啊,拍緊咩啊,全部係我嘅YouTube channel就會見到。喺呢度想講多一次多謝TVB,多謝所有幫過我嘅人。我好相信我哋有一日會再見面。」在短片中大隻仔亦有提到當年擔任天氣報告主播,原來因為他穿得太性感結果被炒,其後被安排主持不少旅遊節目和飲食節目,雖然他很喜歡公司和所有fans,不過最後都決定離開,大隻仔的好友如楊潮凱、王卓淇、羅孝勇和朱晨麗等人留言祝福,他亦有逐一回覆。回復自由身的大隻仔,表示當然繼續會在香港拍戲,但目前先會在新加坡開工。

娛聞樂陪你走遍全球追星,即Like「娛果」FB 專頁!
BannerBanner