【兩個BB一齊湊】超盈「荷包蛋」中文名叫辛千覓 老公改名有詩意

更新時間 (HKT): 2019.10.24 21:07

何超盈8月誕下女兒「荷包蛋」成為媽媽,兩個月後更加做了姑媽!猷君今日宣佈老婆奚夢瑤為賭王誕下首個男孫何廣燊(Ronaldo),姑媽超盈晚上8點後到醫院探姪仔「荷葉飯」,同時透露囡囡「荷包蛋」已改了中文名叫辛千覓,她解釋名字由老公起名,出自辛棄疾一首作品其中一句「千古江山,英雄無覓」。

何超盈又說兩個BB已經見過面:「其實噚日『荷包蛋』第一次見『荷葉飯』,好開心,我第一次做姑媽。」超盈又指自己兩個月前才誕下「荷包蛋」,現時兩個BB可以一齊湊:「而家已經決定食同一隻奶粉,一齊玩,又可以同一班讀書。」何超盈形容Ronaldo比千覓更輕身,又讚姪仔眼仔睩睩似猷君。

超盈又說早前為千覓置裝,都有幫姪仔看BB衫:「我嗰時買衫,都有幫佢買埋,好似自己BB咁,之前已經知係男B。」超盈指自己仍然學習做人媽媽,未有心得可以給猷君。而超盈就按傳統送了一隻男裝錶給BB:「係我哋傳統嚟,之前『荷包蛋』都係畀隻女裝錶佢。」

娛聞樂陪你走遍全球追星,即Like「娛果」FB 專頁!
BannerBanner