【最長一星期冇見】張慧儀忙拍劇冷落囝囝 反而變得更懂事

更新時間 (HKT): 2019.10.25 17:45

張慧儀今日到港台接受訪問,她主演Viu TV劇集《假設性無罪》日前大結局,令慧儀失去精神寄托,稍後希望原班人馬再開劇,有待監製落實,慧儀說:「我哋拍緊《假設》時已強烈要求十幾集太短,要再合作。」慧儀劇中和邵仲衡合作,今次很多對手也是首次合作有開心火花。

有比較之下慧儀喜歡和Viu TV合作拍攝模式,她說:「劇組開工12至13小時有足夠時間休息,每星期都有假放,唔使chur咁行,休息好重要,第日開劇都會反映,我哋演員少林寺出來,今次同Viu合作拍攝模式唔同以前日以繼夜,特別情況會有15個鐘,但唔會日日都special。」

慧儀近日忙於工作,少了親子樂,最長有一星期沒有見兒子,她說:「阿仔埋嚟攬住我錫我一啖話媽咪好耐冇見,我解釋佢聽媽咪工作辛苦,因為家裡得媽媽冇爸爸,唔好亂花費,畀心機返學,搵機會教育佢,而家佢成日問我幾時返屋企,知我忙又會分擔家務,我唔喺屋企阿仔更懂事,有我在身邊更依賴。」

攝影:陳俊強

娛聞樂陪你走遍全球追星,即Like「娛果」FB 專頁!
BannerBanner