【重新選擇】Aka愛情底線怕遇第三者 擔心自己慢熱難找對象

更新時間 (HKT): 2019.10.25 14:05
攝影︰卓寶花

趙慧珊(Aka)推出今年第三首單曲《底線》,今日到商台宣傳,歌曲談及做人處於每段關係中要有底線,而對愛情底線方面Aka說︰「唔可以有第二個,其他都可接受到,例如壞習慣都可以包容,但有第二個就會再有第二次。」她慶幸沒有遇上第三者愛情,而對上一段關係因性格不合而分開,反而曾經知道朋友有第三者時做醜人踢爆,讓好友可以重新選擇。

在香港現時氣氛下出新歌,Aka有心理準備︰「知道巿況未必好,今年第一年個人發展,都可以出第三首歌已經好開心,冇好大期望,知道大家未必聚焦娛樂上,會關心社會問題,有得出歌已經係bonus。」

Supergirls的隊友蔡明思(Jessica)將於後日(27日)在台灣舉行婚禮,Aka會即日來回出席婚宴,因太忙關係無緣參與姊妹團,而成員Heidi因證件問題未能赴宴,會五缺一,到時Aka會直播分享,見證一同成長的好友先跑出結婚,必定爆喊,單身的Aka只能享受別人婚禮。

由於時間緊湊,Aka不能參加當晚婚後派對,損失結識兄弟團及男性的機會而感到可惜,並笑說︰「注定係dry,你見我之前去韓國學舞都識唔到oppa就知啦。」記者指她大可以和剛甩拖吳嘉熙(Cheronna)拍住上搵對象,Aka說︰「唔擔心Cheronna,佢好熱情外向,我好慢熱,有啲擔心自己。」她稍後還要出席5個婚禮,大呻做人情買禮物破產,而其中胞妹婚禮更要送上龍鳳鈪。

採訪、攝影︰卓寶花

娛聞樂陪你走遍全球追星,即Like「娛果」FB 專頁!
BannerBanner