【望國際關注】Tommy睇住清真寺被射藍色水 明日領唱connect穆斯林

更新時間 (HKT): 2019.10.26 22:15

阮民安(Tommy)近月積極參與逆權運動及反暴力集會,今晚到中環遮打花園支持醫護反抗集會,Tommy仔曾經在前線認識急救義工手足,知道他們困苦,曾經捐款幫助,他說:「了解到佢哋有啲受到公司打壓,偷偷哋出嚟幫手做義工,好respect呢班人,身體力行支持,除咗金錢上幫助,近日見到香港人同心協力撐黃店係好事,歡迎手足有咩心事搵我傾訴,絕對冇問題。」

之前警隊在尖沙嘴出動水砲車,藍色水射向清真寺,事後聲稱誤中,警隊及香港特首林鄭月娥向清真寺作出道歉,Tommy仔說:「當日我自己都在場,見到有議員中招,亦有宗教人士在場,現場氣氛好和平,冇任何衝突,唔明點解個水炮硬係向呢個方向射。林鄭對事件都有say sorry,又帶人去清潔,知道自己做錯,既然咁錯,我哋更加要將行動升級,畀國際知道我哋關注事件,反對警方做呢種事。」Tommy仔明天會在尖沙嘴出席相關清真寺集會活動領唱。

而早前陳百祥(阿叻)公開撐警,又表示若果他是警務處處長,早兩個月已經支持開槍執法鎮壓,Tommy仔聽完後和一眾港人心聲一樣鬧爆:「呢條友係一個好荒唐嘅人,冇思想,冇腦,聽佢咁講嘢就知我點解會出post鬧佢,佢(狗噏)冇成本,喺乜嘢場地就講啲乜嘢,若果想發表應該落嚟聽下市民聲音同反應,唔只我Tommy仔想鬧佢,全香港抗爭者聽到都好嬲。佢攞人命嚟講笑,為咗迎合警察想法去講呢啲說話,漠視犧牲手足同家庭成員感受,呢條友仲係咪人呢!冇法啦,啲藍絲好冇腦,我哋唔會原諒佢,會記住。」

至於籌辦演唱會方面,Tommy早前懷疑受政治影響被拒批麥花臣場館,他表示已有幾個場地選擇,但當初入紙都受到場館歡迎,後來就以場館緊急裝修為理由被拒,他無奈表示:「可能我個人敏感啦。」稍後會再公布新場地安排。

娛聞樂陪你走遍全球追星,即Like「娛果」FB 專頁!
BannerBanner