【得6成入座率】阮兆祥尾場騷防暴封路 無阻阿佘入場撐

更新時間 (HKT): 2019.10.27 20:45

阮兆祥今晚在旺角麥花臣場館舉行《King of Dreams演唱會》尾場,不過開騷前遇到防暴封路。今日下午約3時半,警方在尖沙嘴施放多枚催淚彈,市民沿途疏散,至黃昏6點旺角有市民聚集,並在旺角各處嘗試築起路障,記者晚上7時50分抵達麥花臣場館外、奶路臣街路口附近,見到有示威者以垃圾桶等堵路,超過20名防暴瞬間趕至設立封鎖線,穿着反光背心的記者被要求出示記者證,但仍不獲准進入麥花臣場館,有市民嘗試要求進入麥花臣場館亦不果,約10分鐘後警方拘捕了一名示威者上警車及解除封鎖線。

佘詩曼、周家蔚、上山詩鈉、林盛斌、白健恩、李漫芬與丈夫等今日都支持祥仔,白健恩受訪時表示沒有看見示威者:「只係見到差人,不過我好早嚟咗,喺樓下食飯都好近,冇影響到我。」他又指有留意交通,未決定散場時如何離開,覺得留在室內都安全。而阿佘指自己坐車到,周家蔚則指自己只是行幾步路,沒有受到影響,還去了食點心,阿佘在一旁點頭示意,很少回答問題,兩人也不知道防暴有設封鎖線。李漫芬就說:「我早咗一個鐘頭嚟,因為知道附近有間好食嘅餐廳,因為好耐都未試過兩個人拍拖,所以特登預早啲嚟。我冇見到警察,但係就見到抗爭人士衝過。有老公喺度冇事,佢發揮浪漫本色突然間壁咚我,要我企埋一邊唔好阻住人哋。」可擔心稍後離場?李漫芬說:「都預咗要行路返屋企,唔緊要,我哋住得好近。」尾場演唱會在8時半開騷,比原定時間延遲了5至10分鐘,不過場內入座率只剩6成,未知是否受示威影響。

娛聞樂陪你走遍全球追星,即Like「娛果」FB 專頁!
BannerBanner