【回復自由身】莫竣名疑鬧克警一度「被消失」 開新IG解釋始末

更新時間 (HKT): 2019.10.29 19:55
(IG截圖)

因為啤酒廣告而成為網上熱搜的莫竣名(Louis),其後為ViuTV節目《入住請敲門》再被網民讚賞表現出色,這個節目一添再添,《入住4》將會播出,不過Louis近期的曝光出奇地低,甚至從7月開始,不再見他更新IG,直到今日他終於再度現身IG,解釋始末,Louis說:「I AM BACK!有見幾個月令大家擔心抱歉了,好多人問我係唔係俾黑警捉咗,放心,我呢啲冷氣軍師冇被捕。呢幾個月唔見咗人係因為公司嘅問題,直至近期先得以解决。詳情唔講啦,總之我已經恢復自由身,同endless creative limited及theholymountain無任何關係。」

Louis還説:「另外,都要向收唔到回覆嘅客戶講聲Sorry,我都唔想拖咁耐。最後亦係最重要嘅,為免Instagram被惡意使用,我打算今後會轉用新IG。」有網民留言表示支持,他亦有回覆:「多謝大家咁關心我,咁喺度答一答大家嘅問題,呢個IG暫時都唔會鏟住,但之後更新都會用喺新account,而入住嘅後期已經進行得7788,應該不久嘅將來就會出街。」雖然他未有透露原因,不過有網民留言表示:「幾時可以為大家發聲?上次見到你大聲喺寶琳X啲Popo好型!」其後亦有人說:「雖然不知您現在怎樣,心情怎樣,其實不敢再打擾您 ,但我們會默默支持您撐您任何事,加油!大家都十分錫您的,掛您掛到夢都發咗幾次了,最緊要保重身體呀,唔好令家人朋友fans擔心呀,您是最好最重要的!」

Louis在新IG賬號上,貼了一張由數碼暴龍手持「光復香港 時代革命」黑旗的漫畫,他留言說:「數碼暴龍教識我勇氣、友情、愛心、知識、純真、誠實、希望同光明係進化嘅條件。為咗自己嘅家園,香港人進化啦!(PS 張圖係網上見到覺得好靚而share。如果知道創作者係邊個請話我知,想加返credit)」今日《蘋果》曾向Louis了解,不過暫未有回覆。

娛聞樂陪你走遍全球追星,即Like「娛果」FB 專頁!
BannerBanner