【微不足道】莫竣名敢言大不了咪轉行 感激義士無私付出

更新時間 (HKT): 2019.10.30 12:17

因為主持ViuTV節目《入住請敲門》系列而被網民讚賞的莫竣名(Louis),昨日在IG宣佈與模特兒公司解約,雖然他未有解釋原因,只說:「好多人問我係唔係俾黑警捉咗,放心,我呢啲冷氣軍師冇被捕。呢幾個月唔見咗人係因為公司嘅問題,直至近期先得以解决。詳情唔講啦,總之我已經恢復自由身。」因為沒有合約的珈瑣,令Louis可以暢所欲言!

今日Louis在新IG Story上,貼了一條連登討論區的留言link並說:「好多謝你哋對我嘅支持,但講真,我所做嘅比起佢哋所付出嘅絕對係微不足道。我敢言,可能會付上我嘅錢途。錢冇咗可以再搵,大不了咪轉行。但被捕嘅義士們所付上嘅係佢哋個人嘅光陰與自由,為嘅係全香港人嘅將來。如果大家都想為香港帶來民主與自由,請畀我睇到大家要贏嘅決心。可能你會話我講呢番說話好有型,但我可以好肯定話你聽,肯無私為自己家園付出嘅手足先至係最X有型!」

原來有網民在連登出帖文表示6月9日開始「打機」,上月不幸陣亡而入了荔枝角,直到上周才獲保釋,律師亦明確表示沒有機會可「打得甩」,即使認罪減刑都要坐2、3年,假如再加控罪,隨時有機會坐10年,他還說:「喺入面坐咗大半個月,講真,2星期都難捱到仆街,2年真係唔知點過。」他表示在拘留期間,經常有懲教問他同一個問題:「你做呢啲有冇錢收?」他說:「而我嘅回答往往都係:『跌錢出嚟就有』的確,呢幾個月,我用咗大部分人工同積蓄嚟課金,之前出去都會帶多套裝,見到啲細路冇裝都分套畀佢,家陣恐怕要停一停了,因為未來有2、3年做唔到嘢,要儲定錢以便出返嚟時用,希望大家見諒!」

娛聞樂陪你走遍全球追星,即Like「娛果」FB 專頁!
BannerBanner