【東京電影節】郭富城點名讚聰明 楊千嬅反問:你有冇俾我激親?

更新時間 (HKT): 2019.10.30 12:24

郭富城與楊千嬅主演、黃慶勳執導的電影《麥路人》入圍《第32屆東京國際電影節》「亞洲未來」單元,他們昨日於東京六本木EX Theatre出席全球首映及分享會,影片播放完畢,現場掌聲達5分鐘之久,反應熱烈。

千嬅身穿黑色單肩連身長褲與穿西裝的城城出席分享會,並以廣東話向觀眾打招呼。電影中以香港一群不同基層人士因各種原因,成了寄宿快餐店的「麥難民」,城城在戲中演失業的潦倒金融才俊,他也嘆道:「我上網搵資料先知『無家者』係世界性問題,日本都有好多人喺網店寄住,其實全世界都有,呢啲都係社會問題。」千嬅表示快餐店是她快樂童年回憶,以前一直很想去,現在亦會帶小朋友去吃東西及開生日會。

二人在分享會後再出席簽名會,城城說:「真心感動,同觀眾一齊睇戲感受好深,電影題材同角色都係講愛,每個人都需要愛,係一部好『愛』嘅電影。」城城又點名讚千嬅,千嬅即笑問城城:「你有冇俾我激親?」城城笑謂:「冇,你好聰明。」千嬅踢爆拍攝時好擔心:「睇住佢放飯,成個人仲喺戲入面,放到飯都放唔到個人,都唔係食飯,唔知佢有冇事,驚到我呢!。」

娛聞樂陪你走遍全球追星,即Like「娛果」FB 專頁!
BannerBanner