【慈善籃球賽】釗峰高度負責射3分波 觀眾期待甄澤權變走球員

更新時間 (HKT): 2019.10.31 16:04

一班善心藝人林曉峰、梁釗峰和甄澤權等組隊參加慈善籃球賽,為「香港天使綜合症基金會」籌款,今日在灣仔進行比賽,梁釗峰平時有跟其他樂隊成員打籃球,笑言自己高度負責外圍射3分波。稍後C AllStar成軍10年,他們會跟歌迷飯聚同賀10周年,他說:「當結婚咁做,上上下下同事都會到,歌迷事前問咗我哋好多10年回憶嘅事,又拎咗好多以前活動嘅相,相信佢哋想製造驚喜畀我哋。我就拎咗之前重建天梯時着嘅衫送畀歌迷。」

另外,甄澤權表示落場打波,相信觀眾最想看到他會否施展魔法,變走籃球或變走球員,剛拿了十大傑出青年,之後會更加多做慈善工作:「多咗一份使命感,唔可以偷懶,3年前成立咗澤星行動會,會做義演或義教,但暫時未諗成立基金會。」之後他會首次帶團到美國,帶團友參觀原本只能讓魔術師才可以進入的魔法城堡,若成功可計劃每年做一次帶團。

娛聞樂陪你走遍全球追星,即Like「娛果」FB 專頁!
BannerBanner