【女女互咀】莊端兒胸壓煒哥 溫碧霞拍咀戲冇同老公講

更新時間 (HKT): 2019.10.31 12:00

在電影《墮落花》中激咀的温碧霞(Irene)及陳漢娜(Hanna)、低胸性感造型的莊端兒,聯同關智斌(Kenny)、李任燊及陳煒等,昨晚到金鐘出席該片首映禮。

谷胸性感艷壓全場的莊端兒表示:「呢套衫攞網台主播獎時穿過,最近着都有同樣效果。」莊端兒指自己的角色不是特別性感,在整齣戲包到實,只是臨死時穿上deep V,她說:「在戲中開真槍,畀火花彈到眼,但係覺得幾好玩。」

溫碧霞與陳漢娜在戲中有互咀戲,火辣性感,二人異口同表示非常緊張看片,陳漢娜說:「喺配音時自己睇番片,都好怕醜,睇自己拍攝個樣原來係咁反差,有啲尷尬,冇同父母提過呢場戲,唔夠膽講。」Hanna指今次演出不算最大膽,強調自己沒底線,接受合理裸露。隨後Hanna會拍攝荒誕喜劇《把砒霜留給自己》,首次參與喜劇演出。

溫碧霞笑言看到戲中咀戲也面紅,Irene說:「自己今次犧牲好大,戲中講我要吸毒,拍攝時候都唔夠膽食嘢,因為要進入狀態,所以都飲好多酒,由48公斤減至45公斤。」Irene表示為齣戲減肥值得,老公都會捧場,她說:「冇同佢講拍咀戲,希望畀啲驚喜佢。」

關智斌早前開鏡拍攝電影《任性的你》中途被迫停工,Kenny說:「以我所知因為投資方撤出,所以暫時停工,製作方面已努力籌資金,大概7位數字,而家齣戲已經拍咗一半,重要場口未拍,有申請政府資金。」Kenny透露1月會拍另一部電影,希望配合班底將《任》片拍攝完成,他說:「齣戲好值得欣賞,搵緊白武士,英皇公司都有興趣投資,製作費都好合理,但因為涉及好多文件同資金,暫時未有公佈。」對於會否考慮參與投資,Kenny說:「我何德何能,我只係小小微塵,不過如果叫我嘔片酬出嚟幫補都冇所謂。」Kenny透露隨後要到外地拍寫真,至於是否需要操弗,他指不一定要騷肌,暫時未決定拍攝地點。

採訪:張明、攝影:沈健程

娛聞樂陪你走遍全球追星,即Like「娛果」FB 專頁!
BannerBanner