【梅姐愛徒】譚耀文囡囡考得大提琴四級 多得型爸屋企教拍子

更新時間 (HKT): 2019.10.31 16:41

譚耀文近年在大銀幕做出一番成績,99年憑電影《野獸刑警》摘下「第十八屆香港電影金像獎」和「第四屆香港電影金紫荊獎」的最佳男配角,其實他是唱而優則演,阿譚於88年參加「第七屆新秀歌唱大賽」奪冠軍入行,他也是梅艷芳愛徒,熱愛音樂的阿譚把這些優質音樂細胞遺傳了給一對子女,阿譚今日在facebook開心share:「Tamia今日考試合格,我都有少少功勞㗎。」相中見囡囡拿着大提琴,阿譚擺出打氣甫士。

阿譚栽培一對子女學大提琴,他表示13歲長子已考得六級成績,8歲幼女也有四級成績,這位型爸今日不用開工,即做柴可夫陪囡囡去考試,給囡囡支持及鼓勵,阿譚今日回覆《蘋果》時說:「我經常陪佢喺屋企練習,教佢拍子同dynamic,又教佢哋投入感情,希望佢哋喺音樂上搵到真正嘅快樂。其實媽媽好用心栽培,我旁敲側擊而已,不敢領功。」阿譚期待跟子女們一齊組隊上台表演。

娛聞樂陪你走遍全球追星,即Like「娛果」FB 專頁!
BannerBanner