【應屆港姐冠軍】黃嘉雯同男友去旅行兼慶功 入行唔擔心影響感情

更新時間 (HKT): 2019.11.01 16:30

出爐港姐黃嘉雯、王菲及古佩玲,今日到荃灣仁濟醫院出席獎劵活動,仁濟主席王賢訊亦有到場主持。大會以傳統銅球進行攪珠,三位港姐笑言銅球比想像中重,攪動時聲響很大。

黃嘉雯表示今日是第四次以港姐身份出席活動:「都習慣咗,同埋我哋三個一齊都幾開心。」問她是否要為香港出賽選美?黃嘉雯說:「我會選中華小姐,應該係出年,確實日期未知。」她自爆已有一個月沒有做運動修身,現時要準備重新開始做運動,又要構思才藝表演環節。

問到她們有否互相鞭策減肥?王菲笑謂:「冇囉,我哋互相叫大家食零食,因為我哋選完之後都想休息吓、去吓旅行。」古佩玲表示早前返加拿大一星期探親,得到很多朋友恭喜。黃嘉雯表示早前宴請好友們慶功:「男朋友都有去,之前仲一齊去旅行。」問到會否擔心入行後影響感情?她說:「唔擔心,大家都知佢係邊個。佢冇投訴,選完都唔係咁忙,主要都係做慈善嘢,未使拍劇住。」

至於主席王賢訊首次見出爐港姐,大讚她們很有禮貌,但直言工作太忙,未有看港姐競選。他表示仁濟的大型活動已經完成七七八八,感覺壓力舒解不少:「有少少功成身退嘅感覺,今年的確有啲難關,社會氣氛都有啲影響,多謝各位善長人翁繼續支持,我覺得自己今年都不過不失。」他表示為了籌得更多善款,今年首次提倡善長把部份遺產捐出,亦感謝有不少善長嚮應。

娛聞樂陪你走遍全球追星,即Like「娛果」FB 專頁!
BannerBanner