【儲定姑婆本】Aka慨嘆香港女多男少 不介意孤獨終老

更新時間 (HKT): 2019.11.01 14:30
攝影:羅慧敏

女子組合Super Girls(SG)成員的感情生活各自精彩,Jessica(蔡思明)在剛過去的周日在台灣結婚,SG除了Heidi的證件問題未能出席,其他成員也有到賀。今天隊長趙慧珊(Aka)在新城接受訪問,談及婚禮當天的趣事,Aka說:「嗰日嘅氣氛好好,諗返起要接花球,我都特登坐喺度唔郁,搵嘢遮遮掩掩,但係畀Jessica點名叫我出去,仲話如果唔出去就要等到51歲。最後Jennifer(余香凝)攞到個花球,佢比較迫切,我就冇特別去想,緣份唔好強求,我哋就耐心求證,睇吓下一個會唔會係Jennifer。」Aka還大讚Jessica丈夫浪漫,在宣讀愛的宣言時表示愛Jessica一生一世,令Aka感動得眼濕濕。

Aka指因要趕返香港工作,未有參加婚後派對,不過也大讚當日的兄弟姊妹顏值高,問她可有追求者?Aka說:「冇呀,我好宅,只係坐喺度飲熱水,因為病緊。冇男仔搵我,但就有女仔搵我影相。」Aka又謂未能接受異地戀,她更慨嘆香港女多男少,她說:「我真係有諗過孤獨終老,冇所謂啦,而家最緊要係搵錢先,儲定姑婆本,每個月都畀晒媽咪,佢應該會拎去投資。」

提到港台暫停一年一度的「十大中文金曲」頒獎禮,改為網上投票,Aka指剛收到消息,她說:「我都係啱啱先收到消息,每個台有自己嘅做法,我都知道而家社會狀況,唔係好多人會留意娛樂嘅事,所以出歌都未必有咁多人focus,不過我尊重佢哋嘅決定,用一個新嘅方式去release啲新嘢都可以試吓,而家2019年網上平台都好普及。」問到沒有機會現場表演和穿靚衫,她笑說:「我look forward下一年,我一定會盛裝出席。」

採訪、攝影:羅慧敏

娛聞樂陪你走遍全球追星,即Like「娛果」FB 專頁!
BannerBanner