【狗仔出更】黃浩然一拖三嘆串燒 拖實囝囝過馬路顯父愛

更新時間 (HKT): 2019.11.02 00:30

黃浩然和形象設計師太太莫家嘉(KaKa)結婚14年,育有兩名兒子,分別8歲的Kayden及6歲的Ransley。黃浩然自從在大台無間斷拍劇捱出病來,患上罕見的「貝塞特氏症」後,體會到健康和家庭的重要,病癒後將重心放回家庭。

日前晚上約9時,《蘋果》發現黃浩然一家四口,在大坑一間串燒店吃晚飯,兩夫婦二人相當專心進餐,其間有講有笑,而兩名兒子就被電視吸引住,抬高頭專心睇電視。吃飽後,黃浩然忽然帶着兩名兒子離開食肆,原來是到附近的便利店入貨,爸爸揀雜誌,而囝囝就去揀雪糕,各取所需,最後黃浩然買了兩本雜誌,而小朋友就各自揀了一杯雪糕,買完之後開心到跳跳紮,小朋友真係易氹。

之後父子3人回到食肆,大人看雜誌,小朋友一邊食雪糕一邊睇電視,雪糕、串燒都吃完後,大約10時,大人拖實小朋友,行去附近街邊攞車,過馬路時,黃浩然叮囑兒子小心睇車,當真是廿四孝爸爸,之後一家四口登車離開。

娛聞樂陪你走遍全球追星,即Like「娛果」FB 專頁!
BannerBanner