【2019亞姐】評判羅霖第一次見佳麗「嘩」一聲:未執之前有啲得人驚

更新時間 (HKT): 2019.11.02 20:04
攝影:沈建程

「2019亞洲小姐」今晚在大埔亞視總台舉行,節目明日會在亞洲電視及香港開電視中播出,今屆亞姐司儀由陳啟泰、李道洪及丘雅雯主持,而評判方面則有仁美清叙主席程瑤、榮譽主席羅霖、王玉環及蔡加敏等。選美開始前,亞姐仁美清叙舉行重組10周年晚宴,一班前亞姐以盛裝現身,而趙哲妤、莊端兒等亦有到場。

羅霖提到首次見一班佳麗時,自己都嚇一跳,苦笑說:「第一次見『嘩』一聲,唔係真係靚,未執之前有啲得人驚,後尾愈來愈好,慢慢有光彩。」現在亦有心水之選,她說:「睇好5號張雯、13號羅燕霏同曾經選過港姐嘅2號吳玥彤,佢哋都好sharp,喺我心水之選。」羅霖表示大概知道今晚的表演環節:「只要佢哋冇出錯,相信心水勝出嘅機會都好高。」而程瑤則表示看到每個女仔每日排練到好夜,但隔天很早便到場,而且表現得神神奕奕,覺得她們很厲害,羅霖聽完即笑說:「係呀,後生嘛,我哋以前都咁啦。」

兩人又透露仁美清叙的未來大計,指該會今年是重組10周年,程瑤說:「今年有2個大計,第一個係捐助柬埔寨嘅學童,等佢哋有得學習,原來全個國家只得5%嘅學童可以完成中學,覺得值得去幫助。另一個大計則不忘香港人,因為近日社會氣氛問題導致好多人失業,所以會資助一啲香港人參與情緒課程,等大家可以學習。」

娛聞樂陪你走遍全球追星,即Like「娛果」FB 專頁!
BannerBanner