【那些年】吳岱融無悔當年拍三級片 自揭一毫字都冇收

更新時間 (HKT): 2019.11.02 13:33

吳岱融日前接受港台《舊日的足跡》主持車淑梅訪問,雖然跟他在《牛下女高音》合作的黃心穎,因為與人夫許志安偷食而形象盡毀退出娛樂圈,但吳岱融讚她跟張振朗確有火花,吳岱融說:「每個人都會有過失,工作同私生活確係兩回事,唔應該放喺一齊。佢係咪唔應該退出娛樂圈?呢個就係佢個人嘅事喇,只希望大家多啲包容,多多原諒。」

吳岱融表示感激當年電視台高層梁立人找他加入無綫與梁朝偉(偉仔)拍《絕代雙驕》,大讚偉仔記性好、記招數快、很多動作場面都是親身上陣,可惜他們是兩個不同世界的人,所以當年合作未有令二人成為朋友,吳岱融說:「梁朝偉較早熟,對社會人事了解較深,而我就面皮薄同容易面紅,社交圈子好狹窄。」

提到當年他拍三級片,吳岱融完全不避忌說:「好多人問我係咪經濟困難,點解要拍呢類戲,實情係當年太太(鍾淑慧)接咗一齣三級電影,後來我一齊參演,而『三點畢露』都全係我嘅建議,因為我對演戲好投入,只要劇情成立,我都可以做,亦可以去得好盡,甚至今日我亦唔介意。拍呢類戲並非因為低潮,而係根據我嘅思維,坦白講,嗰套電影(《滅門慘案之孽殺》)我係一毫子都冇收。而家我最希望拍喜劇,能夠帶歡樂畀大家。」

娛聞樂陪你走遍全球追星,即Like「娛果」FB 專頁!
BannerBanner