【蘋聞重溫】馮盈盈踩界愛玩性暗示 浴室濕身激咀張頴康

更新時間 (HKT): 2019.11.03 06:01

馮盈盈是近年最最最貼地港姐,不走高貴路線,反而經常「港女」上身玩不文,主持節目踩界又遊走性暗示邊緣,大受年輕人歡迎,其中就試過為節目宣傳自拍伸脷食香蕉相,擺明出「蕉」引人遐想。

作為觀眾當然覺得過癮,但相信馮盈盈醫生男友就唔係咁睇。早前新劇《解決師》播預告片,見到馮盈盈和張頴康在浴室濕身激咀,又咬對方耳仔,張頴康有艷福,但馮盈盈出活動時就指男友「詐型」,睇到預告片相當激動,馮盈盈說男友尖叫聲比自己更勁,心靈受創,獨自走去打機,而馮盈盈就要一直安慰男友。

雖然馮盈盈解釋事前有與男友提過,亦有上交劇本讓男友過目,但事實擺在眼前又難以接受,今次馮盈盈谷爆上圍與陳展鵬拍劇,希望她的醫生男友可以忍得住。

娛聞樂陪你走遍全球追星,即Like「娛果」FB 專頁!
BannerBanner