【18歲卜卜脆】富婆Laura揼本力捧新人 邀視后同世姪女合唱

更新時間 (HKT): 2019.11.04 11:38

富婆Laura去年狠撇TB製作人汪子琦,離婚後回復自由身的她,生活逍遙快活,經常周圍飛去旅行同朋友玩,早前來港睇完張可頤舞台劇《但願人長久》後,日前去了溫哥華欣賞黎瑞恩演唱會,到台灣時又上電視節目《娛樂百分百》探班,跟羅志祥和吳宗憲合照。

交遊廣闊的Laura跟娛樂圈的人很熟悉,之前曾投資製作公司給前度開戲,拍攝電影《愛在星空下》搵江若琳做主角,惟離婚後跟前度一刀兩斷,撤資不再投資製作公司。據知,Laura今年重新投入娛樂事業,成立涵耀星際經理人公司,力捧18歲新人陳涵林(Karen)進軍樂壇,日前就帶Karen到台灣參與《娛樂百分百》節目。

Laura接受《蘋果》電話訪問表示:「Karen係美國出世嘅ABC,佢喺美國長大同讀書,我同佢媽咪係好耐嘅朋友,Karen自細夢想就係唱歌,熱愛音樂,而且非常有潛質,聲線好特別,又係自己人,所以值得試下。我已經搵咗著名製作人李泉,幫佢出咗首單曲《風給的約定》,下個月佢會嚟香港,安排佢同一位視后合唱經典歌,畀機會佢學下嘢,仲會plan微電影及MV配合歌曲。

娛聞樂陪你走遍全球追星,即Like「娛果」FB 專頁!
BannerBanner