【不停講要生仔】李彩華最快出年生BB 揚言當然想生女

更新時間 (HKT): 2019.11.04 15:35
(攝影:黃曉妍)

李彩華今日在新城電台接受啤梨訪問,更播出當年二人合唱的《I Believe》,啤梨笑言以為有機會跟對方登台,買了很多內增高鞋墊,最終沒有機會用得上,李彩華笑說:「仲有冇存貨?希望有機會一齊登台唱番呢首歌。」

兩人已是人夫人妻,啤梨問李彩華何時計劃生小朋友,她坦言計劃明年,她說:「不嬲都係諗住最快出年先生,因為今年仲要去下滑雪,玩晒先至生,我係想生女,但我覺得呢啲多數係事與願違,想生女就生咗個仔,好多朋友都係咁,所以我而家要不停講我要生仔我要生仔,之後就會生女。」啤梨笑言想生啤梨仔。

啤梨提到李彩華在本月11日生日,她表示到時會在香港與家人及朋友慶祝:「冇乜特別嘢搞,只不過係『年輕』咗一歲。」談到今次是婚後首個生日,老公沒有特別表示?李彩華笑說:「未講喎,唔知有咩事發生,冇乜特別嘢想要,因為我自己都成日買嘢。」

採訪、攝影:黃曉妍

娛聞樂陪你走遍全球追星,即Like「娛果」FB 專頁!
BannerBanner