【都係咁fit】張家輝着10年前戰衣現身首映 呼籲藝人為環保跟住做

更新時間 (HKT): 2019.11.04 23:05

張家輝的出現,大家會聯想起電影電視角色及搞笑,和時裝又能否扯上關係呢?今晚張家輝為主演電影《催眠.裁決》在九龍灣宣傳,被戲中女主角蘇麗珊爆他身穿的粉藍西裝是十年前時裝,舊衣新穿帶領潮流,同場還有其他演員如鄭則士(ken哥)、谷祖琳、蔡瀚億等。

家輝被追問一身粉藍造型時,即環保戰士上身:「套衫的確係十年前,當年着過呢套衫去電台頒獎禮。」相隔十年再穿起戰衣一切依舊,證明身形不變,家輝笑說:「冇,環保啫,都呼籲藝人可以咁做,可以保存住啲舊衫,古仔唔同(古天樂),佢唔掉衫,需要好多地方去儲存。」並指家中保存最耐的衣服是多年前去康城的禮服,他說:「應該唔會再着,個款大家冇乜見過,係tuxedo,個領有啲怪雞。」當大家取笑家輝和時裝扯不上關係時,他幽默地表示:「你哋上網查吓啦,當年我喺無綫都幫一個香港設計師品牌行過天橋,之後依稀都記得仲有一次。」問到會有興趣擔任設計師,家輝即故作認真:「當然有啦,未演過嘅角色我都有興趣。」

電影中家輝飾演催眠師,蘇麗珊會被他催眠,為了令情景更逼真,蘇麗珊說:「之前搵過催眠師預習幫助入戲,但都有家輝咁先能夠帶我入戲。」家輝即緊張說:「你自己一個去?你咪呀,啲後生女亂咁嚟。」

家輝自爆平日被女兒催眠多,又說:「都係叫我做吓奴隸,幫佢揼吓骨,簡單嘢。」大家提議首要催眠老婆關詠荷先,家輝即搞笑謂:「唔催眠佢唔嫁畀我啦。」

張兆輝和張家輝最多對手戲,有兩場戲充滿難度,其中一場是水中動作戲,而另一場則是被攝影機圍繞360度的爆炸戲。今次和三位新導演合作,張兆輝自降身酬支持業界,並說:「電影用了六年時間籌備拍攝完成,最初都擔心三位新導演想法不一,但原來相當一致,精益求精。」

娛聞樂陪你走遍全球追星,即Like「娛果」FB 專頁!
BannerBanner