【世紀辯論】阮民安撐阿澤完爆荷蘭叻 天佑望講出市民心聲

更新時間 (HKT): 2019.11.05 14:06

社會運動持續了4個月,社會撕裂,黃藍敵對,藝人當中也有持不同政見,昨日港台公佈今日下午4時半將會在節目《視點31》邀請深黃藝人杜汶澤與撐警陳百祥出席,一同討論社會問題,據知直播將會長達1小時,消息一出網民紛紛表示熱切期待,又寄託阿澤「麻煩你幫我哋出口氣」。萬眾期待的世紀大戰,有網民惡搞賠率,昨日在社交網站表示「有嘢睇」的天佑,以短訊回覆《蘋果》表示:「除咗兩位舌劍唇槍之外,反而更希望兩位可以善用時間,講到多啲市民心聲出嚟,講出矛盾,有咁盡去咁盡仲好,不過淨係唔買反枱走人。」

至於當年在陳百祥旗下娛樂公司出道的阮民安則向《蘋果》大談看法:「咁阿叻都有14億蝗蟲支持佢,不過嗰14億精子要翻牆,翻得嚟,個Live都應該完咗,澤哥就係得200萬零幾個真‧香港手足支持,但係夠啦,全部自己友吖嘛!所以強烈相信澤哥可以輕易喺兩round收佢皮!聽講有賠率呀,但澤哥又熱到瀉,冇乜肉食,如果以我估計阿澤兩round收佢皮,咁我就想買阿澤半場贏啦,不過暫時好似未見到有呢格買,唔知之後會唔會更新呢?Anyway,我同全部手足一樣,支持澤哥一陣完爆荷蘭叻!」

娛聞樂陪你走遍全球追星,即Like「娛果」FB 專頁!
BannerBanner